Skandalet e yjeve për vitin 2010

Skandalet e yjeve për vitin 2010


By admin on Friday, 30th July 2010


Share

Bota
e shoubiznesit nuk do të ishte aq shumë interesante, po qe se nuk do të
kishte as skandale nga yjet e argëtimit. Dhe shpesh ndodhë që pikërisht
këto skandale të tërheqin më shumë vëmendjen e opinionit, sesa që e
tërheqin projektet e tyre filmike apo muzikore.
Lindsay Lohan
Nuk ka hapësirë të mjaftueshme në këtë faqe për skandalet që e
rrethojnë Lindsay Lohanin. Dhe skandali më i fundit e ka futur sërish
atë në burg. Por këtë herë ajo nuk do të qëndroj vetëm 84 minuta, siç
ishte rasti në shtator të vitit 2007. Ajo tani është dënuar me 90 ditë
burg dhe tashmë një javë është duke e vuajtur atë. Ky dënim ka ardhur
pasi ajo ka dështuar që të përmbush urdhrin e gjykatës për ndjekur orët
e trajtimit të abuzimit me alkool.
Paris Hilton
Kjo listë nuk do të ishte e plotë pa praninë e Paris Hiltonit, e cila kohë më parë është arrestuar dhe marrë në
pyetje pasi dikush nga përcjellja e saj, ishte kapur duke thithur
marihuanë në stadiumin Nelson Mandela Bay, ku ajo ishte në kampionatin
botërorë në futboll.
Mel Gibson
Si duket aktori i famshëm Mel Gibson, nuk mund të rri larg
telasheve. Këtë herë, atë e ka gjetur belaja me ish të dashurën e tij
Oksana Gligorieva, e cila e ka akuzuar aktorin se e ka kërcënuar me
dhunim dhe vrasje. Dhe të gjitha këto, ajo i kishte incizuar në telefon
dhe i ka prezantuar në polici. Aktori e ka mohuar një gjë të tillë,
duke thënë se modelja është munduar t’i bë-j shantazh, në tentim për
t’i zhvatur para.
Jeremy London
Pohimet e Jeremy Londonit se derisa ishte duke ndërruar një gomë,
ishte rrëmbyer rrahur dhe detyruar të përdor drogë nga dy persona të
panjohur, në fund ishin vërtetuar si të pavërteta dhe si një arsyetim i
tij për t’i shpëtuar padisë për vozitje në gjendje të droguar. Pasi të
përfundoj rehabilitimin, atë e pret një dënim i sigurt me burg.