Elvana Gjata thyen rekord, 100 mijë klikime për një javë në youtube

Elvana Gjata thyen rekord, 100 mijë klikime për një javë në youtube

Posted on
Jul. 31st, 2010 by YouGoDe


Këngëtarja
Elvana Gjata nga fundi i muajt do të realizojë një koncert të madh në
qytetin e Strugës. Reklama dhe publiciteti i madh që po bëhet nëpër
qytetet shqiptare të Maqedonisë nga organizatorët, le të kuptohet se
bëhet fjalë vërtetë për një mega spektakël. Biletat nuk kanë ndonjë
çmim shumë të lartë, por në krahasim me këngëtarët e tjerë, për Elvanën
do paguhet pak më shumë, diku rreh 5 euro. Si mysafirë special të këtij
spektakli mësohet se janë ftuar grupi i mirënjohur kosovarë, “Skillz”
të cilët pritet të japin atmosferë së bashku me këngëtaren seksi.
Sponzor gjeneral i koncertit në këtë rast përveç disa kompanive të
mëdha atje, paraqitet edhe Ministria e zhvillimit dhe mjedisit
hapësinor e Maqedonisë. Kënga më e re e titulluar “A ke ti zemër”, po
pëlqehet aq shumë sa në faqen e videove “youtube” është shpërndarë në
disa qindra llogari, ndërsa klikimet për një javë kanë arritur mbi
100.000. Klipi është punuar me produksionin kosovarë “Entermedia”,
ndërsa përmban disa skena interesante.

Ndër më të pëlqyerat paraqitet skena kur këngëtarja është duke lëpirë
akulloren. Përkundër klipeve tjera ku Elvana paraqitej ekstravagante,
këtë radhë ajo i ka ikur atij stili dhe sensualitetin e saj po e shfaq
në një dozë më të vogël.