Lus Zotin që të rilindë dashuria në zemrër

Lus Zotin që të rilindë dashuria në zemrër

Këngëtarja Adelina Ismaili nuk ndalet. Ajo përgatitet për këngë të reja, të cilat do të dalin në treg së shpejti. “Momentalisht po përgatis një këngë të re, e cila shpresoj që në muajt e parë të vitit që po vjen të realizohet edhe si videoklip. Bëhet fjalë për një ide mjaft të çuditshme, që nuk është bëre ndonjëherë dhe pres finalizimin me padurim. Nuk dyshoj që do të ketë shumë diskutime. Po flas vetëm për ato që po punoj për tregun shqiptar, sepse si artiste zvicerane nuk më lejohet momentalisht të flas për aktivitetet në Evropë”, tregon këngëtarja.

Adelina është shumë e angazhuar nëpër aktivitete të ndryshme në diasporë dhe po punon fuqishëm në realizimin e planeve, të cilat si duket janë primare për këngëtaren. “Impenjimet e shumta për këngët, fotot, regjistrimet në Zvicër, ku obligohem me kontratë, më kanë privuar nga disa aktivitete në Kosovë dhe kjo më bën të ndjehem pak në borxh për fansat atje. Megjithatë karriera ime reale tani po mbin në Evropë dhe ajo shqiptare mbetet si hobi, ku kthehem herë pas here për fansat dhe familjen. Pra, këtë vit me fatin dhe shëndetin do të dëgjoni këngë e do të shikoni klipe “Made in Sëitzerland”. Ndërkohë sa i përket jetës private ajo tregon se akoma nuk ka ndonjë gjë të re”, por që këtë vit do të dëshironte ndonjë dhuratë nga Zoti. “Nuk ka ndonjë gjë interesante që do të mund të thosha për jetën private.

Jeta ime private është si kurrë e lidhur me karrierën dhe nëse pyesni se cila do ishte dëshira ime për këtë vit, atëherë e them pas kaq shumë kohësh: “Po, ia dëshiroj vetes dashurinë. Zoti më ka dhënë të gjitha shenjat dhe fatin që edhe në zemrën time të rilind ajo ndjenjë hyjnore”, thekson Adelina.