Arrestohet aktori Nicolas Cage

Dhunë në familje dhe prishje të qetësisë publike. Janë këto akuzat për
të cilat aktori i njohur Nicolas Cage është arrestuar ditën e sotme në
Nju Orlins.

Lajmin e bën të ditur TMZ.com, që konsiderohet si bibla e thashethemeve në Shtetet e Bashkuara.

Sipas
burimit, Cage ishte i dehur dhe në një moment, në rrugë, ka filluar të
diskutojë me zë të lartë me bashkëshorten e tij Alice Kim.

Një
taksist, pasi e pa aktorin që shtynte të shoqen, ka lajmëruar policinë.
Kur mbërritën agjentët Cage tha për t’i provokuar: “Përse nuk më
arrestoni?”. /top channel