Ermela: “Nuk kam patur mbështetjen e familjes në rrugën e artit”

Ermela: “Nuk kam patur mbështetjen e familjes në rrugën e artit”
23/03/2011 22:40

Ergysi
e Ermela qëndrojnë në oborr duke biseduar. Ermela shprehet se do t’i
pëlqente ideja që të ndërronin vendet e kolltuqeve sa për të krijuar një
ambient të ri.
Më pas Ergysi e pyet Ermelën nëse e frekuenton jetën e natës e ajo
përgjigjet se nuk është frekuentuese e rregullt, por del sidomos në
raste festash.

Ergysi kërkon të dijë se çfarë ambjentesh pëlqen më së shumti Ermela e
ajo përgjigjet se muzikën live e përjashton nga preferencat e saj, pasi
nuk e pëlqen fare. Ergysi shprehet se krejt në të kundërt të saj, ai e
vlerëson shumë të kënduarit live dhe përmend disa nga këngëtarët e tij
të preferuar.

Ermela thotë se i pëlqen kur alternohet muzika live dhe muzika e luajtur
nga dj. Ajo shpjegon se arsyeja që nuk i pëlqen muzika live është se në
disa raste, këngëtarët e shtrembërojnë muzikën. Ergysi e pyet nëse
Ermela i frekuenton karaoket e ajo mohon duke shtuar se do që zëri që
dëgjon të jetë perfekt. Ergysi thotë se i pëlqen shumë muzika live e i
përcjell shumë emocion, ndërsa Ermela shton se nuk i ngjit e i duket e
zbrazët.

Më pas Ermela shprehet arsyeja përse nuk ka ecur në botën e artit ka
qenë se nuk e ka patur mbështetjen e familjes. Ajo tregon se ka patur
raste që pas koncerteve shkonte në shtëpi me tufa me lule, por prindërit
nuk merrnin as mundimin të shkonin ta shihnin. Ergysi shton se në
rastin e shfaqjes në teatër, i ka kërkuar me këmbëngulje të ëmës që të
shkonte t’a shikonte. Ermela thotë se dëshira e saj do të ishte që
familja ta mbështeste në mos ta ndiqte në dëshirën e saj.