Eros Pasion

"Mashkulli i vërtetë" ka ndryshuar

"Mashkulli i vërtetë" ka ndryshuar. Nuk është më ai egoisti në shtrat dhe i aftë për të treguar eksperiencat e shumta seksuale, por e kundërta. Tani më së shumti i frikësohet demoralizimit të partneres. Dhe është ai që e ka të domosdoshme të bisedojë rreth seksit. Ja si mund ta ndihmosh të përballojë pesë frikërat më të shpeshta! Studimet më të fundit të psikologëve kanë arritur në përfundimin se kuptimi “mashkull I vërtetë” nuk njësohet me fjalën “rebel” por “i ndjeshëm”. Disa vite më parë me “mashkull i vërtetë”, etiketoheshin ata që kishin marrëdhënie të shumta seksuale me partnere të ndryshme dhe në shtratin e secilës prej tyre nuk e bënin asnjëherë pyetjen “Të pëlqeu?!”. Tani, thonë psikologët, do të dëgjosh nga goja e një femre “ai është mashkull i vërtetë”, nëse kujdeset veçanërisht për ndjenjat e saj. Pa pyetur fare për ndjenjat e tyre - sot më e rëndësishmja është të kënaqet partnerja! E frika se "ajo nuk do të arrijë kulminacionin erotik është aq e madhe sa iu shkakton stres dhe ankth. 1. Frika nga një orgazëm i shpejtë Meshkujt bashkëkohorë më shumë frikësohen se nuk do të kënaqin partneren sesa nga fakti se nuk do të arrijnë kënaqësi për vete, thonë psikologët. Kështu hyjnë në një rreth vicioz: frika shton mundësinë e ejakulimit të parakohshëm. Si ta ndihmosh? Në qoftë se ndodh kjo vetëm në fillim të lidhjes nuk është e nevojshme të shqetësoheni. Ju duhet të kaloni vetëm pak më shumë kohë bashkë dhe të krijoni së pari intimitet në bisedat mes njëri-tjetrit. Por ju duhet patjetër të bisedoni hapur për këtë dhe madje të kërkoni ndihmën e psikologut nëse kjo i ndodh partnerit në vazhdimësi. 2. Frika se nuk do të kuptoheni seksualisht Meshkujt frikësohen se gjatë lidhjeve nuk do të realizojnë intimitet dhe mirëkuptim për jetë të kënaqshme seksuale. Nëse edhe partneri juaj e ndien këtë frikë, është e sigurt se ju nuk flisni hapur për seks. Ju mund të bisedoni për ndjenjat, synimet profesionale, për planet që keni me fëmijët tuaj... por vetëm për seks jo. Ky është problem i shpeshtë midis partnerëve, ngaqë meshkujt mendojnë se seksualiteti është çështje instinktive, shumë e natyrshme për të cilën nuk ka nevojë të flitet. Por pas heshtjes së tij mund të fshihet frika se dëshirat e tij seksuale ju duken të pahijshme. Gjatë aktit seksual ju shikon në sy? Ndjek çdo ndryshim në frymëmarrjen tuaj? Shpesh ju pyet: "Të pëlqen? Këto shenja nuk duhet lënë pas dore: nëse vazhdimisht është i kujdesshëm, e harron veten dhe mund të ndodhë që ta humbë ereksionin. Si ta ndihmosh : Nuk duhet të të pengojë kureshtja e tij. Kur të pyet - a ju pëlqen, përgjigju sinqerisht dhe tregoi çfarë të pëlqen më shumë. Bisedën mund ta vazhdosh edhe pas aktit, duke i zbuluar ngadalë ajo që të pëlqen më shumë. Por kujdes ! Duke thënë gjithmonë se çdo gjë është në rregull, se ai është dashnor i përsosur e se nuk ka pse të brengoset, marrëdhënia nuk do të jetë aspak interesante. 3. Frika se nuk do t'i kuptojë dëshirat e tua Fjala është për frikë shumë të ngjashme me të parën. Në qoftë se partneri frikësohet se nuk e kupton atë që ju dëshironi, problemi mund të qëndrojë te ju. A e dini saktësisht çfarë ju pëlqen më shumë gjatë aktit seksual? Shumë femra e zbulojnë herët çfarë nuk ju pëlqen, por asnjëherë nuk e kuptojnë se çfarë ju pëlqen. Kjo ka të bëjë dhe mentalitetin e e femrës, që i është dashur historikisht të kënaqë mashkullin e të mos mendojnë për vete dhe dëshirat e saj. Si ta ndihmosh? Bisedoni sërish.Tregoini ëndrrat tuaja erotike. Por, fshehtësitë duhet zbuluar një nga një, vetëm kur të jeni e bindur se i ka tejkaluar paragjykimet dhe se mund t'i pranojë sinqerisht. Meshkujt ndonjëherë i kanë frikë dëshirat e papritura erotike të partnereve të tyre. 4. Frika se nuk do të jetë shumë i aftë Kjo është frika kryesore e mashkullit, nga e cila pastaj vijnë të gjitha frikërat. Është e shpeshtë në fillim të lidhjes ose të kontaktit për një natë. Te çiftet më me përvojë kjo frikë humb ngaqë kënaqësia e partneres është dëshmi e aftësisë të tij. Në qoftë se ai është edhe më tujtje i pasigurt, edhe pas lidhjes suaj më të gjatë, pyesni veten - mos është problemi te ju? Ndoshta e vlerësoni ashpër ose mendoni se nuk është mjaft i mirë për ju. Pas aktit, shpeshherë ju pyet: "A të pëlqeu?". Për shkak të ngarkesës së vazhdueshme, nuk mund të arrijë atë që do. Ndonjëherë dëshiron të bëjë më shumë dashuri sesa seks, duke e bërë marrëdhënien të bezdisshme. Si ta ndihmosh? Në qoftë se doni të keni mirëkuptim, harroni konfliktet, agresivitetin.Nëse marrëdhëniet nuk kanë qenë të mira, mos e fajësoni as atë e as veten, duke menduar se nuk keni qenë të mirë ose të bukur. Analizoni jetën tuaj seksuale. keni kujdes kur ai dëshiron të bëjë dashuri, natën ose ditën, në dhomën e fjetjes apo në ndonjë ambient tjetër, para ose pas darke... Dhe provoni në momentin kur ai është më i disponuar. 5 . Frika se nuk do të përjetoni orgazëm Është reflektim I problemit të vetë femrave.Nëse ai frikësohet se nuk nuk do të sjellë në kulmin e kënaqësisë, kjo do të thotë se nuk i "tregon" qartë si mund ta përjetosh këtë kënaqësi. Si ta ndihmosh? Bëhuni e sinqertë dhe tregoini të vërtetën, në mënyrë të qetë dhe pa ndroje se a përjetoni orgazëm? Nëse arrini kulmin e kënaqësisë, bëjani të ditur, në të kundërt kërkoni mënyra të tjera p.sh. duke i kushtuar më shumë kohë paralojës ose i thoni që ta ngadalësojë ritmin në mënyrë që kulminacionin ta përjetoni ngadalë.

15 këshilla për orgazmën femërore

Në ditët e sotme shumë femra e dëshirojnë orgazmën, e cila është një risi për seksin tek kjo gjini. Jo më shumë se një brez më parë, shumë femra të rritura nuk arrinin orgazmën dhe pjesa më e madhe e tyre nuk ishte e shqetësuar për këtë fakt. Shumë specialistë deklarojnë se, për një përqindje të madhe femrash ishte “normale” të mos arrihej orgazëm gjatë aktit seksual. Deri në vitin 1970 kishte ende femra të cilat mendonin se orgazma nuk ekzistonte dhe se ishte thjesht një mit i shumëpërfolur i medias, por e gjithë kjo tani ka ndryshuar. Ditët e sotme mendimi mjekësor është që çdo femër është e aftë të arrijë orgazmën, nëse ajo e dëshiron këtë gjë. Këndvështrimi i këtyre specialistëve arrin deri aty sa të deklarojnë se pjesa më e madhe e femrave është e aftë të shumëfishojë orgazmën, nëse ato dëshirojnë këtë kënaqësi. (Në përgjithësi aftësia për të shumëfishuar orgazëm është më e lartë tek femrat e rritura). Orgazma femërore Ajo çfarë i ndodh një femre gjatë orgazmës është shumë e ngjashme me derdhjen që bëjnë meshkujt. Me fjalë të tjera rritet eksitimi deri në atë pikë sa finalizohet i gjithi në orgazëm. Ky moment orgazme shoqërohet nga fryrje të organeve seksuale, e cila përsëritet pothuajse çdo 0.8 sekonda. Tek meshkujt kjo ndjenjë kënaqësie përfundon me derdhjen e spermës. Kjo nuk ndodh te femrat. Disa femra prodhojnë lëng pas arritjes së orgazmës, por për një pjesë të vogël të tyre jo, ndaj është e gabuar të flitet për “derdhje” tek femrat. Shumëfishoni orgazmën Një ndryshim tjetër i madh mes femrave dhe meshkujve është se pas orgazmës së parë femrat mund të ripërsërisin këtë akt edhe pas një minutë apo dy. Kjo aftësi është jashtëzakonisht e rrallë tek meshkujt. Shumë pak femra të reja në moshë mund të arrijnë orgazëm të shumëfishtë, sepse është një aftësi e cila zakonisht duhet mësuar. Por me ndihmën e një të dashuri “të kualifikuar”, shumë femra mund të arrijnë aftësinë për të shumëfishuar orgazmën e tyre nëse e dëshirojnë. Gjëja më e rëndësishme që duhet të dinë burrat për orgazmën e femrave është se, tek ato orgazma nuk është diçka mekanike ashtu siç ndodh tek meshkujt. Shumë burra janë të aftë të bëjnë shumë shpejt një derdhje nëse penisi i tyre është fërkuar. Kjo mund të ndodhë edhe në rrethana të cilat nuk janë shumë romantike apo edhe nëse ata nuk e pëlqejnë shumë partneren e cila po i përkëdhel. Femrat nuk janë kështu! Orgazma e femrës nuk është një buton të cilin mjafton ta shtypësh dhe arrihet menjëherë, pasi kushtet duhet të jenë ato të duhurat. Pothuajse të gjitha femrat dëshirojnë t’i përmbushen disa dëshira nëse duan të arrijnë këtë kënaqësi. Ato kanë nevojë për një atmosferë romantike, mjedis të ngrohtë, ndjenjë vlerësimi nga partneri, lubrifikim natyral për të bërë më të lehtë aktin seksual dhe padyshim një partner që të dijë të eksitojë klitorin e saj. Nëse meshkujt nuk arrijnë të plotësojnë këto kushte, atëherë do të jetë e vështirë të arrihet të kryhet një akt seksual i kënaqshëm dhe orgazma e partneres suaj. Është e rëndësishme që meshkujt të dinë se ndryshe nga sa ata mendojnë, marrëdhënia seksuale nuk është vetëm për të arritur një orgazëm. Pothuajse të gjitha femrat kanë nevojë për eksitim të klitorit, por njëkohësisht edhe pëshpëritje fjalësh të ëmbla në vesh për të arritur kënaqësinë maksimale. Disa këshilla për të çuar në orgazëm partneren tuaj: 1. Mos u nxitoni; 2. Mos bëni shumë pyetje; 3. Flisni me partneren tuaj dhe pyeteni se çfarë dëshiron ajo të marrë prej jush; 4. Krijoni gjithmonë një atmosferë romantike; 5. Jepini asaj shumë puthje e përqafime përpara se të shprehni dëshirën për të bërë seks; 6. Kur të nisni aktin seksual puthni ose fërkoni organet e saj gjenitale; 7. Mos u ngutni për të prekur klitorin; 8. Merrni gjërat shtuar për të kuptuar se çfarë kërkon partnerja juaj; 9. Përdorni lubrifikimin e saj natyral për të shtuar kënaqësinë që i dhuron klitori; 10. Mos harroni se nxitja dhe përkëdhelja e klitorit është çelësi për arritjen e orgazmën tek femrat; 11. Inkurajoni partneren tuaj të marrë ajo vendimet rreth pozicioneve apo drejtimin e seksit tuaj; 12. Vështroni me kujdes se si stimulon ajo veten e saj, sepse kjo mund të jetë mënyra më e mirë për të kuptuar se si mund të marrë ajo kënaqësi; 13-Mos flisni kurrë për porno; 14-Pëshpëritni në vesh që e dëshironi më shumë se çdo gjë tjetër; 15-Në disa raste dhoma në errësirë ndihmon stimulimin e kënaqësisë tek femrat.

Femrat dhe meshkujt eksitohen në të njëjtën kohë

Mashkulli mund të pësonte një “shok” nëse do të zbulonte me siguri shkencore që për të arritur një natë seksi, ndoshta do të bënte më mirë të sillej si Roco Siffrei: Menjëherë në temë. Për të parën herë mjekësia seksuale arrin në termografi, duke u bazuar nga një telekamerë me infra të kuqe, e cila shërben për të vështruar dhe matur ngjyrën e trupit. Meshkuj dhe femra kanë parë një film pornografik dhe për të gjithë eksitimi ka nisur pas 30 minutash. Shpesh mashkulli sforcohet për t’u dukur ai që nuk është, një joshës i zoti, që di të kuptojë një femër, zgjedh gjithmonë restorantin ku duhet ta çojë dhe një shpjegim të besueshëm për arsyen që e konsideron unike femrën që ka në krah. I njëjti mashkull mund të pësonte një tronditje, nëse zbulonte me vërtetësi shkencore se për të arritur një natë seksi dhe për të ndjerë eksitimin më të madh të jetës së tij seksuale duhet të linte mënjanë lojërat e fjalëve dhe të “dilte menjëherë në temë” E pabesueshme, por e vërtetë Sipas profesorit të Universitetit të Montreal, Irv Binik, shprehet se zbulimi i tij hedh poshtë idenë se femra ka nevojë për më shumë kohë që të arrijë eksitimin. “Ka qenë e gabuar bindja se femra arrin më ngadalë se mashkulli eksitimin seksual dhe se ka nevojë për më shumë “nxehje paraprake, në ndryshim nga mashkulli”, shprehet ai. Psikologu ka menduar të masë për të parën herë një kërkim të këtij lloji për eksitimin seksual me ndihmën e termografisë, pra një telekamer me infra të kuqe që shërben për të matur mënyrë jo të dhunshme ngjyrën e “nxjerrë” nga trupi. Me ndihmën e një grupi kërkuesish, nën drejtimin e Tulli Kukkonen janë marrë të dhënat e 28 meshkujve dhe 30 femrave (të zhveshur nga mesi e poshtë), të cilëve gjatë “shqyrtimit” me filmime të llojeve shumë të ndryshme u është matur temperatura e zonës gjenitale, në sajë të një telekamere e cila e vëren në një distancë me të paktën 1 gradë dhe e dërgon më pas në kompjuter për analiza krahasuese. Matja e parë për të përcaktuar temperaturën e zonës gjenitale është vendosur ndërkohë që individët shihnin filma pa karakter erotik. Më vonë matja është përsëritur me filma me tmerr, më pas personat kanë ndjekur seritë e telefilmit komik Mr. Bean për të përfunduar me filma pornografikë. Vetëm pas 30 sekondash Individët e përfshirë në test i shinin teksa kalonin imazhet nëpërmjet syzeve të errëta, të cilat pengonin vështrimin e ambientit rrethues për të shmangur shpërqendrimet. Kompjuteri ka regjistruar rritje të temperaturës së zonës gjenitale, në një nivel mesatar të dy gradëve, menjëherë pas imazheve të qarta të seksit. E dhëna më e rëndësishme është se si femrat dhe meshkujt, duke lënë mënjanë çdo lloj romantizmi, kanë treguar shenjat e para të eksitimit seksual 30 sekonda pas fillimit të filmit pornografik. Ndryshimi E vetmja diferencë ishte ajo e kohës së nevojshme për të arritur eksitimin maksimal: Meshkujve u është dashur 666,6 sekonda, pra pothuajse 10 minuta, ndërsa femrave 743, pra pothuajse 12 minuta, një diferencë kohore e konsideruar e kalueshme. “Duke vënë përballë eksitimin seksual mes meshkujve dhe femrave shohim se ka një diferencë në sasinë e kohës që kërkojnë femrat dhe meshkujt në moshë të re për të arritur orgazmën”, shprehet Binik dhe shton “në cilindo eksperiment për eksitimin seksual i kryer në laborator ka një lloj ndryshimi, por në krahasim me teknikat e së kaluarës, ky eksperiment është në pjesën minimale aq më tepër që matjet janë kryer si për meshkujt dhe për femrat në të njëjtën kohë dhe vend”. Ajo çfarë është e rëndësishme të theksohet është se të dhënat përfundimtare janë pothuajse të njëjta.