Anjeza: Do pozoj për Playboy

Anjeza: Do pozoj për Playboy

Muzika ka sigurisht vendin e parë në listën e projekteve të saj, por nuk i thotë kurrë jo ofertave të tjera. Anjeza Brankës sapo i ka ardhur një propozim i ri. Drejtues të revistës së njohur gjermane “Playboy”, pasi kanë parë disa foto të këngëtares që ka bërë më parë, e kanë pëlqyer dhe i kanë propozuar për të qenë pjesë e kopertinës e veshur me bikini.

Si ndihet Anjeza pas publikimit të albumit të ri, a mendon se ia ke arritur qëllimit?

Është duke ecur shumë mirë dhe këtë po e shoh në koncertet e fundjavave, kur të gjithë këndojnë këngët e albumit tim dhe kjo më gëzon shumë. Ishte një projekt që e kisha menduar prej kohësh dhe më në fund e realizova. Jam e lumtur për këtë.

Sa këngë ka albumi dhe çfarë rrymash përmban?

Përmban 9 këngë janë hitet e mia dhe disa këngë të reja. Muzika është punuar nga Hila, Stine, Darko Dimitrov, Limoz Kozeli dhe Bertan Asllani. Rrymat janë RnB, këngë të lehta, balada dhe RnB folk. Kjo është rryma që më pëlqen dhe jam rritur.

Ka pasur komente për klipin, si është pritur në publik?

Deri tani kam marrë vlerësime pozitive dhe kjo më bën të ndihem mirë, më motivon për të punuar më shumë. Kjo për artistët është shumë pozitive dhe për më tepër që këngët e mia janë vlerësuar brenda dhe jashtë vendit. Shumë më kanë thënë përse nuk kisha koreografi duke qenë se unë kërcej bukur, por duke qenë se kënga ishte e thjeshtë kam bërë disa kërcime të improvizuara, për të qenë vetvetja.

Ke hequr dorë nga festivalet apo do të ketë ndonjë pjesëmarrje?

Jo, pasi publikova albumin dhe klipin e ri jam penduar pak që nuk mora pjesë tek “Kënga Magjike”, por mendoj se do të marr pjesë në festivalin e fundvitit në TVSH me një këngë të muzikës së lehtë, pas herës së parë që mora pjesë në vitin 1998.

Duetet tuaja kanë qenë të suksesshme, ke ndonjë projekt të ri?

Normalisht më pëlqen më shumë që të këndoj solo, por nuk mund t’u them jo bashkëpunimeve. Sigurisht kur bëhet fjalë për artistë me të cilët na përshtatet vokali dhe rrymat muzikore. Do të kem dy duete të reja, por emrat le të jenë surprizë, mjafton të them që janë emra të njohur të muzikës shqiptare.

Pjesa më e madhe e këngëtareve në Shqipëri janë femra, ndihesh e frikësuar nga konkurrenca?

Aspak nuk ndihem e frikësuar nga konkurrenca pasi tregu ka rryma të ndryshme dhe këtë e vendos publiku. Mendoj që ka këngëtare të mira që i vlerësoj si Aurela Gaçe, Elvana Gjata, Çiljeta apo Ingrid Gjoni. Pra, kjo konkurrencë varet përballë kujt, pasi të gjithë këngëtarët vlerësohen për atë që transmetojnë te publiku.

Prej pak kohësh jeni ndarë nga i fejuari, si po e përjetoni këtë moment?

Për momentin jam shumë mirë me veten. Familja më qëndron afër, i jam përkushtuar profesionit dhe asgjëje tjetër.

Si vazhdojnë të jetë raportet më ish të fejuarin?

Ai ka jetën e tij, unë timen, ai mund ta shohë djalin kur të dojë pasi është e drejta e tij. Për momentin nuk takohemi pasi edhe situata është e nxehtë, por në të ardhmen nuk do të kishte asgjë të keqe nëse do ta shihja si shok.

Nuk frekuentoheni fare?

Thjesht mund të komunikojmë dhe të pyesim për njëri-tjetrin se si jemi dhe kjo me pëlqen. Kam jetuar një pjesë të jetës time me të, ndërkohë që ai është babai i fëmijës tim dhe do të doja të dëgjoja për të vetëm gjëra të mira.

Historia jote e dashurisë ka qenë e komentuar në media, që nga njohja deri në ndarjen, jeni penduar?

Unë nuk pendohem për asgjë. Sigurisht që ishte një kohë e bukur dhe e vlerësoj, por nuk kam asnjë arsye që të ndihem e penduar.

Po djali e ndien mungesën e të atit?

Sigurisht që ai nuk e ndien mungesën e babait të vet, pasi për të kujdeset jashtë mase gjyshi i tij që e do jashtëzakonisht. Kur të rritet, ai le të vendosë pasi atëherë do ta kuptojë vetë situatën.

Jam pro martesës

Nuk kam ndryshuar mendim në këtë drejtim. Jam pro bashkëjetesës, pasi nuk është më si dikur që dasma është një moment i bukur dhe kaq. Momente të tilla njeriu mund të përjetojë në çdo kohë, siç ishte për shembull festa ime e fundit, ku u mblodhën të gjithë dhe ia kaluam shumë bukur. Sigurisht që nuk mund të thuash kurrë-kurrë, nëse martesa vjen dhe e sheh të arsyeshme, mund ta pranosh.



Bluetooth