Sinan Hoxha: Jam heteroseksual, s’kam asgjë me komunitetin “gay”

Sinan Hoxha: Jam heteroseksual, s’kam asgjë me komunitetin “gay”

Posted on
Aug. 9th, 2010 by
Berni


Prej
më shumë se një jave gazetarët dhe gazetat prisnin një rrëfim prej tij…
Heshtja e Sinan Hoxhës vuri në pikëpyetje shumë ide të njerëzve. Sinani
është vërtetë homoseksual, apo nuk rrëfehet sepse ky lajm nuk ka
kurrëfarë rëndësie për të? Arsyeja e vërtetë pse ky rrëfim u vonua kaq,
është se gjatë tërë kësaj jave Sinani ka qenë i angazhuar me koncerte
të ndryshme nëpër trevat shqipfolëse… Po cila është e vërteta e tij?
Zbuloni përmes kësaj interviste të sinqertë gjithë të vërtetën e thënë
nga goja e këngëtarit. A është e vërtetë që mes tij dhe Seldit ka një
lidhje homoseksuale, apo pas kësaj marrëdhënie fshihet diçka tjetër?
Për më shumë detaje rreth kësaj historie vjen sot i plotë rrëfimi i
këngëtarit.
Sinan faleminderit që e pranuat ftesën për këtë intervistë.
Pyetja e parë lidhet padiskutim me vonesën e këtij reagimi…pse u vonua
kaq shumë?
Në fakt, ka dy arsye vonesa e kësaj deklarate, e para është sepse gjatë
kësaj kohe, kam qenë shumë i angazhuar me koncerte, kam qenë në Kosovë,
në Maqedoni, në Mal të zi, dhe në qytete të ndryshme bregdetare në
Shqipëri. Si pasojë nuk kisha ndërmend të lija koncertet, për t’iu
përgjigjur një deklarate ordinere, të bërë nga njerëz po të këtij rangu.
E dyta, gjatë gjithë kësaj jave, gazetat kryesore në vend, më rezulton
që kanë shitur pafundësisht shumë, do të thotë që me këtë lajm, pra me
Sinan Hoxhën, kanë fituar shumë para. Unë kërkova një shumë parash,
kështu që sot është momenti të flas.

Cili është komenti juaj në lidhje me deklaratën e Domenikës, që
siç e thatë dhe ju vetë, ka një javë që bën xhiron nëpër gazetat në të
gjithë vendin?
Komenti im… Unë e para nuk e di në çfarë kushtesh depresive ka qenë
Domenika, e cila ka trilluar dhe ka dhënë këtë deklaratë, aq absudre,
aq ordinere dhe aq të pavërtetë. Unë nuk e dija që paska meshkuj në
këtë botë, që pas një lidhje 4-5 mujore, t’i pranojë të dashurës që
qenka homoseksual dhe paska një lidhje me një mashkull tjetër, i cili
për më tepër, është një person që i përket të njëjtës familje, të
njëjtit fis, të njëjtit gjak. Pra, deklarata e saj më duke totalisht
absurde. Nuk mendoj se Seldi ka bërë një deklaratë të tillë, aq më
tepër kundrejt meje, pasi e thashë edhe më sipër, unë me Seldin kemi
lidhje farefisnore, kemi lidhje gjaku.
Për çfarë mendoni atëherë se e ka bërë Domenika këtë deklaratë?
Për këtë duhet pyetur Domenika. Ajo në deklaratën që ka bërë, nuk e di
se çfarë ka lexuar publiku dhe si e ka kuptuar atë deklaratë, po në
deklaratën që bën, është kontradiktore me veten e saj. Në një
intervistë të dhënë pak kohë më parë për një revistë që i përket “Big
Brother-it”, Domenika është shumë e gëzuar për marrëdhënien e saj dhe
thotë që djali është shumë i fortë seksualisht, ndërsa me intervistën
që nxorri në gazetën tjetër, thotë që linte për të dëshiruar në
marrëdhëniet seksuale. Pra, Domenika është shumë kontradiktore me
veten, nuk e di në ç’kushte e ka dhënë këtë deklaratë, por unë mendoj
që nuk është mirë ajo vajzë. Më vjen vërtet keq, për të pasi kemi të
bëjmë me dy femra, por Domenika, me mua, do të flasë vetëm në dyert e
gjykatës. Më vjen keq ta them, pasi siç e thashë, kemi të bëjmë me dy
femra, një familje që nuk ka një mashkull brenda, por që pas
deklaratave që ka bërë ajo, është tepër absurde, tepër e rëndë dhe nuk
i përket aspak Sinan Hoxhës. Dua të them vetëm këtë, unë nuk kam
absolutisht asgjë kundra komunitetit “gay”, por është diçka që mua nuk
më përket, nuk më ka takuar asnjëherë. Fakti që unë nuk e kam bërë
asnjëherë publike jetën private, nuk do të thotë që jam homoseksual.
Fakti që gazetarët, ose paparacët nuk merren me shkrepje fotografish
origjinale, por merren me montime fotografish për të fituar para në
kurriz të tjetrit, nuk është faji im. Një paparac i mirë, do të ishte
ai paparac që më ndiqte mua nëpër koncerte ku do të isha unë, në
Gjermani, në Zvicër dhe kur të mbaroja koncertin të më ndiqte deri kur
të shkoja unë në derë të hotelit. Aty ta shikonte, në do të shkoja me
ndonjë femër, apo me mashkull, ai quhet paparac, ajo quhet fotografi
konkrete… jo fotografi të sajuara, Sinan Hoxha në një diskotekë, apo në
një gëzim familjar, tjetri duke bërë foto në studio profesionale… Unë
të atë gëzimin tim familjar, isha përpjekur për të imituar Michael
Jackson duke kërcyer dhe një ditë të bukur na i merr Domenika, na i
monton dhe ia çon gazetës. Në rastin konkret nuk kam absolutisht gjë me
gazetën, sepse në gazetë thuhet që fotot janë siguruar nga Domenika.
Nuk mendoni se mosdeklarimi i një të dashure nga ju, ose i
faktit që jeni i dashuruar, ka lënë të hapur rrugën për ta besuar këtë
lajm?
Unë e kam thënë edhe herë të tjera, asnjëherë nuk kam dashur që unë të
bëhem i famshëm duke bërë skupe gazetareske. Edhe unë mund të dilja
shumë bukur, të merrja 2-3 femra sexy në një ambient të caktuar, siç
bëjnë me keqardhje shumica e kolegëve, të fotografohesha duke dalë me
këto femra të bukura, dhe të bëja skupe gazetareske. Unë e ndërtoj
karrierën në bazë të këngëve të mia, më vjen keq të them, më vjen shumë
keq të them, ndoshta do të duket mendjemadhësi, por për herë të parë në
jetën time do të them që unë jam këngëtar 100% “Made in Popull”. Unë
jam këngëtari që kam investuar më shumë për karrierën time, nuk di të
ketë ndonjë këngëtar që të ketë hedhur aq shumë para, për të menaxhuar
veten, pra para të hedhur, të shpenzuar, jo të fituar, të ketë
shpenzuar aq shumë para, për të bërë këngë. Këtë profesion unë e kam
adhuruar që në vogëli, e adhuroj, vazhdoj ta adhuroj akoma. Pra, nuk
kam dashur asnjëherë që jetën time ta ndërtoj duke bërë skupe
gazetareske, nuk më ka interesuar. Jeta private është e imja dhe nuk i
përket askujt. Paparacët, po të ishin të zotët të më ndiqnin, t’i
hipnin avionit, të vinin me mua në koncert dhe të më fotografonin me
cilin hyja apo dilja nga hoteli. Ju garantoj që Sinan Hoxha, është një
mashkull në plot kuptimin e fjalës, heteroseksual 100 për qind. Nuk kam
lidhje me homoseksualitetin, megjithëse nuk kam asgjë kundër këtij
komuniteti. Sigurisht, ky është çmimi i të qënit i famshëm… Dua t’i bëj
edhe një thirrje të gjithë publikut, fansave të mi, pasi këtu në
Shqipëri ndodhin gjëra totalisht të papara, që nuk i dëgjon absolutisht
në asnjë vend të botës. Këtu arrin të bën presion, një gazetar. Në
lidhje me këtë histori, unë kam qenë në Vlorë, ditën që gazetarët e
gazetës suaj më kanë marrë në telefon. Isha në Vlorë, bashkë me Seldin,
bashkë me mamanë time, bashkë me mamanë e Seldit, me tezen, e cila
kishte ardhur nga Gjermania. Atë ditë më merr në telefon një gazetar i
një gazete rozë “Game Over”, gazetë në të cilën janë publikuar edhe ato
fotot e famshme dhe më kërkon një intervistë, për të cilën i thashë që
unë s’kam ndërmend të prononcohem për momentin, plus kësaj nuk jam në
Tiranë, por jam në Vlorë. Gazetari vjen në Vlorë, i hipën makinës, nuk
e di në e ka marrë gjithë bregdetin e Vlorës duke më kërkuar derisa më
gjeti dhe më fotografon bashkë me Seldin. Nuk fotografon as mamanë
time, as mamanë e Seldit, as të tjerët që ishin me ne… Po të vini re
edhe nga fotografitë që janë nxjerrë në gazetë duket dora e mamasë sime
që është diku në një cep, që natyrisht është prerë, si e si që të
nxirrte një lajm të madh nesër, për të shitur shumë gazeta. Pra, mos
harroni që me këtë lajm dhe me këtë histori, unë i garantoj publikut që
të gjitha gazetat kanë shitur pafundësisht, është fituar para e madhe.
Pra, jo çdo gjë, publik i dashur, që thuhet nëpër gazeta është e
vërtetë. Mbi 90% të rasteve është mashtrim, thjesht për të fituar para.
Është biznes më vete për të fituar para, unë jam viktima e rradhës,
shumë nga kolegët e mi kanë qenë viktimë e fotografive të montuara.
I rikthehemi Domenikës, cili ka qenë mendimi juaj për Domenikën? E keni ndjekur në “Big Brother”, ç’përshtypje ju ka lënë?
Domenikën, jo vetëm e kam ndjekur, por edhe e kam mbështetur. Vetëm
gjatë kohës që ka qenë brenda “Big Brother”-it Domenika, unë të
garantoj që kam çuar mbi 800 mesazhe, vetëm unë. Pra, kur të deklarosh
diçka, siç po deklaroj unë këto momente, duhet të kesh fakte, po të
kërkosh informacion në kompaninë celulare në të cilën unë jam abonent,
të tregon që kam çuar mesazhe pafund për Domenikën. Më është dukur një
vajzë tepër moderne, një vajzë pa paragjykime, një vajzë që ka parë
botën, një vajzë e cila e ka mbështetur Klodin e “Big Brother-it”, e ka
mbështetur fuqimisht, pra u dukte një vajzë e pakompleksuar… Indirekt
ajo i ka rënë edhe këtij të fundit, duke dalë me atë deklaratë siç doli
Domi. Sigurisht që kam pasur dhe vërejtjet e mia, pasi mënyra e të
sjellurit brenda në shtëpi me Seldin, linte shumë për të dëshiruar, gjë të cilën e vinin në dukje të gjithë banorët dhe i gjithë publiku.
E keni përkrahur ju lidhjen e Domenikës me Seldin?
Absolutisht, po. Ditën që ka dalë Domenika nga “Big Brother-i”, bashkë
me Seldin kanë ardhur në shtëpinë time dhe sigurisht si një njeri që
kam vite që jam pjesë e botës së shoë-bizz-it i kam sugjeruar disa
gjëra të vogla në lidhje me marrëdhëniet me mediat. Gjëra të vogla të
natyrës mos deklaroni gjëra të tilla, të atilla, duhet të dilni këtu,
aty…
Ju thoni që marrëdhënia juaj me Seldin është marrëdhënie farefisnore,
por veç kësaj ju ndiqni bashkë edhe veprimtaritë artistike, shkoni në
festa të miqve këngëtarë, etj…
E para e punës, nuk është vetëm Seldi dhe unë nga farefisi ynë
këngëtarë, janë edhe dy këngëtarë të tjerë shumë të njohur që i
përkasin të njëtit fisi, por kjo nuk ka asnjë rëndësi për publikun, nuk
ka pse ta dijë publiku. Njëri prej tyre ka edhe mbiemrin tim. Unë mbaj
mend që në fillimet e karrierës sime, nuk është se kam ditur shumë nga
ky biznes, nga ky profesion. Sigurisht që edhe unë kam pasur kolegë të
tjerë që më kanë treguar gjëra që unë nuk i dija, siç ka edhe kolegë të
tjerë që unë i kam ndihmuar pafundësisht, nuk është Seldi i vetmi. Ai
është një artist në fillim të karrierës, andaj unë e kam ndihmuar, e
ndihmoj dhe do ta ndihmoj pafundësisht. Nuk bëhet fjalë fare, sepse unë
përveçse një shok, dhe mik shumë të mirë, e kam edhe të afërt familjar.
E theksoj shumë herë këtë, pasi dua t’i tregoj puublikut që nuk ka si
të jetë e vërtetë deklarata që ka bërë Domenika, midis dy njerëzve që i
përkasin të njëjtit gjak.
Cili ka qenë reaksioni i shkaktuar në miqtë tuaj nga kjo deklaratë? Si kanë reaguar ata?
Nga më të ndryshmet, normalisht ka njerëz që nervozohen, plus që
shoqëria ime e ngushtë normalisht që e njeh Sinanin, e njeh edhe
Seldin, fatmirësisht kemi të njëjtët shokë dhe të njëjtët miq, por ka
pasur reagime nga më të ndryshmet.
Po familja si e ka pritur? Sigurisht që janë lënduar…
Padiskutim, kjo është e vetmja gjë që më vjen më shumë keq në të gjithë
këtë histori. Normalisht, që çdo nëne nuk i vjen mirë të dëgjojë fjalë
të tilla, pavarësisht se e di shumë mirë të vërtetën.
Si të ka pritur publiku nëpër koncerte?
Ju kishit bërë një shkrim aty tek gazeta juaj dhe 2 apo 3 ditë pas
lajmit, një nga fotografët e gazetës suaj ishte në koncertin tim.
Përgjigja më e bukur ishte aty, më falni për mungesën e modestisë, por
të gjithë ata që aluduan se Sinan Hoxhës mund t’i shkatërrohej
karriera, ka sigurisht njerëz të caktuar që gjithmonë kanë dashur të
prekin karrierën time, kanë mbetur të zhgënjyer. Më vjen keq që nuk iu
plotësua dëshira, por unë atë natë, kam pasur 3000 spektatorë.
Ka pasur nga ata që e kanë besuar këtë lajm?
Fatmirësisht, këto dy vitet e fundit, publiku shqiptar e ka kuptuar që
shumica e rasteve bëhet për të shitur gazetat dhe nuk është se besojnë
më njerëzit shumë në të tilla gjëra.
I keni ndjerë shikimet e dyshimta të njerëzve në rrugë?
Unë ju tregova gjatë gjithë kësaj jave kam pasur koncerte për çdo natë.
Gjithë natën duke kënduar, gjithë ditën duke fjetur gjumë, nuk kam
pasur mundësinë të ndjej reagimet e njerëzve në rrugë. Unë flas për
koncertet, kur kam shkuar në koncerte publiku më ka pritur mjaft mirë,
ndoshta kjo është edhe ajo ana e mirë. Të thashë pra ka qenë thikë me
dy presa, ndoshta më ka bërë edhe mirë. Më ka bërë shumë publicitet.
Keni plane për ndonjë këngë të re?
Këngë të re, patjetër nga dhjetori kam në plan të nxjerr një këngë të
re, ndërsa në verën e ardhshme të realizoj albumin tim të rradhës.
Pushimet ku keni bërë në plan t’i kaloni? Apo do t’i përkushtoheni vetëm koncerteve këtë verë?
Unë pushime gjatë gjithë kësaj kohe, nuk kam bërë fare. Deri në datën
20 gusht kam gati çdo natë koncerte. Nga fundi i gushtit unë kam një
ftesë nga kolegia, motra, mikesha ime më e mirë, Soni Malaj, si dhe
Mirko, më kanë ftuar në Sevilja të Spanjës, ku ata po jetojnë dhe po
bëjnë biznesin e tyre. I them paparacit të më ndjekë se ndoshta në këtë
udhëtim do të kem dikë me vete.
Faleminderit Sinan!
Faleminderit juve!
Eraldo Rexho Gazeta Shqiptare