Gratë që ndryshuan fytyrën e modës

Gratë që ndryshuan fytyrën e modës

Përpos që i kanë thyer ligjet e modës dhe ishin para kohës së tyre, ato kishin edhe shije për të bukurën dhe provokuesen, ku të metat e tyre kanë ditur t’i mbulojnë me aq mjeshtëri, sa që gjithmonë janë dukur të përsosura. Në mesin e këtyre grave të para të pazëvendësueshme është edhe Koko Shanel (Coco Chanel), për të cilën ekspertët e modës thonë se e ka “shpikur modën për femra”. Perlat e vëna poshtë dhe xhemperi i zi ishin “uniforma” e saj, kurse stilin e thjeshtë të veshjes e ka bartur edhe në kreacionet e saj. “Thjeshtësia është çelës i elegancës së vërtetë”, thoshte Koko. “Askush nuk mund të duket si Grejs Kelli, ajo ishte biondja më e bukur e kohës së saj. Ai lloj i përsosmërisë duhet edhe të plaket tepër vonë“, kishte thënë Karl Lagerfeld, duke e nderuar kështu bukurinë, por edhe stilin e modës së të vetmes aktore në mesin e princeshave. Por, le të fillojmë me radhë. Koko Shanel Shpesh vishte rroba të huazuara nga djemtë, në kohën kur një stil i tillë i lehtë ishte gati ilegal, kurse për fustanet e saja të vogla e të zeza përdorte stofin “jersey”, një stof të butë, deri atëherë të përdorur vetëm për këmishët e peshkatarëve. Krahas stolive të vendosura poshtë, Koko pëlqente edhe kapela interesante. Uollis Simpson Uollis Simpson, amerikania për shkak të dashurisë së cilës mbreti britanik Eduard VIII kishte hequr dorë nga kurora, ishte ikonë e modës së viteve të ‘30-ta, kurse bota e modës, përpos për stilin e mrekullueshëm dhe fustanet e pashembullt të mbrëmjes, e mban mend edhe për thënien: “Një grua kurrë nuk mund të jetë tepër thatanike, apo tepër e pasur.” Kejt Mos Këshilla e saj për shumë vajza e gra që e kopjojnë pa sukses, është: “Kurrë mos u bëni robëreshë e trendëve dhe mos blini rroba që ju preferohen nga revistat. Klounët nuk mund të duken bukur; shkëlqejnë vetëm origjinalët”. Stili i pashembullt i kësaj manekineje britanike bazohet në kombinimin e të pakombinueshmes: fustanit të mëndafshtë me çizme të ngasësve të ëve, apo të rrobave të lëkurës me rroba me lule. Grejs Kelli Me stofin “cardigan”, çanta e Grejsit e markës “Hermes”, e cila për nder të saj është quajtur “Kelly Bag”, falë saj, është bërë çanta më e popullarizuar në botë dhe më shumë se gjysmë shekulli është prodhimi më i kërkuar i shtëpisë së përmendur të modës. Aksesorët më të preferuar të modës për Kellin ishin dorëzat. Stili i modës i kësaj aktoreje ishte i pastër, klasik dhe i thjeshtë, por për martesën me Ranierin, princin e Monakos, kishte veshur fustanin e nusërisë, të dizajnuar nga koreografja e njohur e “MGM”-së, Helen Rose, në bazë të idesë së vetë Kellit. Në këtë fustan ishin harxhuar më shumë se 400 metra mëndafsh dhe dantellë. Debi Heri Derisa të tjerët bartnin pantallona në formë trapezi dhe këmisha me dizajn të luleve, Debi blinte bluza me vizatim të kafkës, syza të kuqërremta me dimensione tepër të mëdha, bereta dhe xhaketa ngasësish të ëve.