Chelsea e Marc thonë “po”

Chelsea e Marc thonë “po”
01/08/2010 11:20


Dasëm
përrallore për ish-vajzën e parë Chelsea Clinton, bijën e
ish-presidentit Bill Clinton dhe sekretares aktuale të Shtetit, Hillary
Clinton.

30
vjeçarja i tha “po” në altar martësës me 32 vjeçarin financier, Marc
Mezvinsky. Dy të rinjtë i premtuan dashuri të përjetshme njëri-tjetrit
në Astor Court Estate, një perlë në brigjet e Hudsonit rreth 150
kilometra në veri të New York. Ritualet fetare në ceremoni në fakt kanë
qënë të përgjithëshme duke patur parasysh besimet e dy të rinjve,
Chelsea një protestante ndërsa Marc i besimit hebre.

Ceremonia
duket se ka lënë të kënaqur edhe prindërit e Chelsea. Bill dhe Hillary,
në një komunikatë të përbashkët shprehen mjaft të lumtur.

“Sot
ndoqëm me një krenari të madhe ceremoninë e mrekullueshme të Chelsea
dhe Marc në Astor Count, bashkë me familjen dhe miqtë tanë më të
ngushtë. As që mund ta imagjinonim një ditë kaq perfekte për të
celebruar nisjen e jetës së tyrë bashkëshortore dhe jemi mjaft të
lumtur të mirëpresim Marc në familjen tonë”, thuhet në komunikatën e
ish-presidentit Bill Clinton dhe Sekretares së Shtetit, Hillary Clinton.

Mediat
amerikane folën për një ceremoni madhështore që sipas tyre llogaritej
nga 3-5 milionë dollarë me shumë të ftuar vip, mes të cilëve edhe Oprah
Winfrey, Stiven Spielberg e Barbaras Streisand etj. Megjithatë revista
“People”, duke cituar burime nga familja Clinton shkruan se shpenzimet
nuk tejkaluan 1 milion dollarët.