Ndertimoret: Do te shkaterrojme 200 ndertesa Tėrhequr mė 24 Maj 2010
Inspektorati i
Ndertimit njoftoi se do te nise sot nje aksion per shembjen e 200
ndertimeve ne zonen e Ksamilit dhe Butrintit, per te cilat thote se jane
pa leje.
Inspektorati ka angazhuar shtate
mjete te renda ndertimi, 30 zyrtare, si dhe rreth 200 police per kete
fushate te titulluar Pastrimi i Rivieres.
Inspektorati ka
premtuar gjithashtu se do te pastroje zonen nga rrenojat pas
shkaterrimeve, dicka qe e ka premtuar shume here me pare, por qe ne
shumicen derrmuese te rasteve nuk e ka bere.
Synimi i aksionit,
sipas zyrtareve, eshte shkaterrimi i te gjitha ndertesave qe u ngriten
pas perfundimit te afatit te legalizimit tre vjet me pare. Ndertimoret
thone se kane kryer fotografim satelitor para hyrjes ne fuqi te procesit
te legalizimit dhe kane nder mend te shembin te gjitha ndertesat e
ngritura me nxitim pas ketij afati.
Zyrtaret thone gjithashtu se
kane komunikuar intensivisht me komunitetin, perfshi edhe pronaret e
ndertimeve pa leje, kane publikuar fotot e ndertesave qe do te shemben
te dera e komunes dhe kane ballafaquar pretendimet.
Operacioni
do te nise te henen me date 24 maj 2010 dhe pritet te perfundoje brenda
pak ditesh. Per te realizuar me sukses pastrimin e nje prej zonave me
te vleresuara turistike dhe arkeologjike ne vend, Inspektorati Ndertimor
ka mobilizuar 7 mjete te renda si ekskavatore, matrapike dhe te llojeve
te tjera, te cilat do te nisin njekohesisht punen, qe si hap te pare ka
rehabilitimin e kesaj zone te mbuluar nga ndertimet pa leje.
Qyteza
e Ksamilit u ndertua gjate viteve te komunizmit me njerez te
shperngulur nga e gjithe Shqiperia gjate aksioneve per shfrytezimin e
zones per ullishte dhe agrumeri. Pas viteve 90, njerezit dolen nga
apartamentet kuvli te kohes se komunizmit dhe ndertuan shtepi ne reja
perreth qytezes, ku tani ofrojne sherbime turistike ne hoteleri e
restorante.
Fushata e ketij viti per shembjen e ndertimeve pa
leje, nese nuk pasohet nga pastrimi i shpejte i rrenojave, mund te
sjelle probleme te renda per banoret e zones, te cilet aktualisht po
presin hapjen e sezonit turistik. Ndertimoret kane nder mend qe te
zhvendosen se shpejti ne zonen e Himares per te kryer shembje te tjera
ndertimesh pa leje.
I krijuar pesembedhjete vjet me pare si nje
institucion per te ndaluar ndertimet pa leje qe mbushen vendin pas
renies se komunizmit, Inspektorati Ndertimor ka fituar statusin e nje
policie dhe gjykate njekohesisht, pasi vendimet e saj jane te
paapelueshme ne gjykata sipas legjislacionit aktual. Mungesa e nje
kuadri ligjor dhe administrativ ka krijuar probleme te panumerta.
Gjate
viteve te fundit, veprimtaria e ketij institucioni ka qene shume
konfliktuale, per shkak te statusit te paqarte ligjor te ndertimeve pa
leje ne Shqiperi. Nje pjese e ndertimeve pa leje jane pallate
shumekateshe qe nuk preken nga ndertimoret, per shkak te peshes politike
te pronareve te tyre, ndersa nje pjese tjeter perben xhungla masive
urbane, te cilat kane gjithashtu ne praktike statusin e te paprekshmit.
Ndertesa te tjera qe u perkasin njerezve te varfer bien pre e zbatimit
te ligjit, gje qe ka shkaktuar deri tani disa raste zhurme mediatike,
por asnje zgjidhje konkrete.