Kaltrina Selimi: Mezi po pres ta vesh fustanin e bardhë

Tashmë kur statusi i saj është “e fejuar”, këngëtarja Kaltrina Selimi
tregon se martesa është temë e shpeshtë në bisedat me të zgjedhurin e
saj, Dritanin. “Unë e hap gjithmonë këtë temë, sepse e pres me padurim
ditën kur do ta vesh fustanin e bardhë, që ka qenë gjithmonë dëshira
ime...Kam shumë dëshirë, gjithashtu, të bëhem nuse”, “Të kurorëzosh
lidhjen, qoftë me fejesë ose martesë, nuk diskutohet që dashuria është
parësore...Për mua, dashuria është gjithçka, dashuria është ushqim i
shpirtit. Jeta ime është e rrethuar me dashuri e lum ai që di të
dashurojë”, kështu pohon këngëtarja Kaltrina Selimi, duke treguar se
edhe pak muaj bëhen 5 vjet që është takuar me Dritanin të fejuarin e
saj. Se si është njohur me Dritanin, këngëtarja pohon se njohja ka
ardhur nga pushimet e verës. “Jemi takuar në Ulqin. Jemi njoftuar përmes
shoqërisë në Ulqin, ku unë po kaloja pushimet e verës atje...më pas kur
Dritani shkoi në Londër, kontaktet I patëm shumë kohë me telefon”.