Rritet numri i aplikimeve për karta e pasaporta

Rritet numri i aplikimeve për karta e pasaporta



Tërhequr më 20 Korrik 2009


Ardhja
e emigrantëve vazhdon që të rritë kërkesën npër sportelet e Postës
Shqiptare si për karta identitetit ashtu edhe për pasaportat
biometrike. Sipas Postës Shqipatre deri tani në të gjithë vedin janë
shitur mbi 1 milionë e 229 mijë kuponë për letërnjoftimin elektronik
dhe mbi 50 mijë për pasaportat biometrike në të gjitha zyrat e postës.
Por ndryshe nga periudha parazgjedhore është rritur mjaft kërkesa për
pasaportat biometrike, të cilat po të krahësohen me aplikimin për
kartat e identitetit përbëjnë një ndryshim me rreth 2 mijë kupona më
shumë të shitura në ditë. Deri tani shumica e aplikantëve për këto
pasaporta janë qytetarët shqiptarë të cilët kanë mbushur moshën 18
vjeç, por numri më i madh i cili ka ndikuar për rritjen e kësaj shifre
është pikërisht ai që vjen nga aplikimi i emigrantëve.
Sipas postës shqiptare do të vazhdojnë që të gjitha zyrat e saj të
qëndrojnë hapur gjatë gjithë sezonit veror, kjo edhe nga kërkesa që ka
patur dhe që po shtohet edhe në këtë periudhë.
Posta shqiptare për momentin ka 551 zyra postare dhe 470 njësi te të cilat bëhet aplikim në të gjithë vendin.