Bota në zhvillim, sundimtarja e së ardhmes

Çdo vit e më shumë, jetojmë në një botë urbane. Gjysma e popullsisë
botërore jeton tashmë në qytete dhe gjeneron më shumë se 80 përqind të
GDP-së. Çdo javë popullsia urbane rritet me 1 milion banorë

Bota në zhvillim, sundimtarja e së ardhmes

Çdo
vit e më shumë, jetojmë në një botë urbane. Gjysma e popullsisë
botërore jeton tashmë në qytete dhe gjeneron më shumë se 80 përqind të
GDP-së. Çdo javë popullsia urbane rritet me më shumë se 1 milion banorë,
një shumë kjo ekuivalente me shtimin e shtatë qyteteve sa Chicago në
rruzullin tokësor çdo vit. Për më tepër, qendra e gravitetit të
territorit urban po zhvendoset në jug dhe në lindje dhe rritja po vjen
gjithnjë e më shumë nga qytetet e nivelit të dytë. Kompanitë që kërkojnë
të rriten e zhvillohen dhe qeveritë që i përkushtohen diplomacisë duhet
patjetër që të mbledhin forcat dhe të kuptojnë zanafillën dhe rrugën
drejt së cilës po ecën kjo botë gjithnjë e më shumë e urbanizuar.

Liderët e rinj urbanë

Megjithatë,
bota urbane duket se do të jetë statike. Sot, 600 qytete gjenerojnë 60
përqind të GDP-së botërore dhe kërkimet e fundit sugjerojnë se 600
qytete do të gjenerojnë gjithashtu 60 përqind të GDP-së në vitin 2025.
Por, pesëmbëdhjetë vjet më vonë ato do të jenë një grup qytetesh
tërësisht të ndryshme.

Bota e zhvilluar krenohet me 380 qytete në
listën aktuale të 600 qyteteve që kontribuojnë në mënyrë bujare në
GDP-në botërore. Këto qytete janë gjenerueset e gjysmës së prodhimit
total ekonomik: Një e pesta e GDP-së vjen nga 190 qytete, të cilat
ndodhen në Amerikën e Veriut. Ndërkohë, 220 qytetet më të mëdha të botës
në zhvillim kontribuojnë me vetëm 10 përqind.

Megjithatë, e
ardhmja pritet të ndryshojë rrënjësisht dhe balanca e fuqisë ekonomike
urbane do të pësojë transformim total gjatë pesëmbëdhjetë viteve të
ardhshme. Një në çdo tre qytete të zhvilluara do të dalë jashtë listës
së 600 qyteteve kryesore deri në vitin 2025, ndërkohë që vetëm një në
çdo 20 qytete të tregjeve në zhvillim do ta humbin vendin e tyre në këtë
listë. Deri në vitin 2025, 136 shtete të reja do të kenë hyrë në listën
e 600 qyteteve më të rëndësishme botërore dhe të gjithë do të vijnë nga
bota në zhvillim.

Ngjitja urbane e Azisë

Kina do të jetë
pararoja e kësaj gjenerate të re të dinamove ekonomike me 100 qytete në
listën e më të mirëve, duke përfshirë Harbin, Shantou, dhe Guiyang.
India do të kontribuojë me 13 hyrje të reja ku përfshihen Hyderabad dhe
Surat. Amerika Latine do të jetë burimi i tetë qyteteve dinamike të reja
si Cancún, Mexico dhe Barranquilla, Kolumbi...

Përgatiti: KLARITA BAJRAKTARI