Universiteti, midis të thënës dhe të bërës

Kultura e krizës duhet të konfrontohet me shumëfishimin e nevojave. Edhe
institucionet universitare, në veçanti ato që merren me komunikim,
duhet të kontribuojnë që të interpretohet dhe të mbështetet ndryshimi

Universiteti, midis të thënës dhe të bërës

Mario Morcellini, Dekan i Fakultetit të Shkencave të Komunikimit i Universitetit La Sapienza të Romës.

Është
qëllimi im që të kërkoj të "stërmundoj" konceptin e krizës: Do të
përdor një përafrim midis gjendjes së krizës dhe gjendjes së patologjisë
alergjike të individit. Koncepti i krizës përdoret edhe shumë shpesh
për të treguar një reaksion alergjik ndaj stresit të ndryshimit dhe vetë
fjala krizë (ashtu si perceptimi jonë), funksionon sikur të ishim në
prani të një efekti reaktiv. Me fjalë të tjera, kriza na mbron në
kuptimin figurativ nga furtuna e polenit të ndryshimit, duke replikuar
të njëjtat dinamika të organizmit tonë kur bie në atë dimension
patologjik të cilin e identifikojmë si alergji. Por nuk e kuptojmë se
pse njerëzit do t'i drejtohen me kaq qejf kësaj fjale, në pikën që ta
bëjnë pak të aftë për të lexuar specificitetet e situatave.

Shpesh
i bëhet referim krizës së sistemit dhe krizës së biznesit; në fakt,
është qëllimi im që të diskutoj në terma të përgjithshëm të krizës,
domethënë të përshkruaj aspektin semantik të kësaj fjale. Jam i bindur
se nuk do të dalim nga problemet tona nëqoftëse nuk i shqiptojmë me
qartësi ato: Nga ana tjetër, nuk ka ndodhur kurrë që njerëzit të kenë
arritur të tejkalojnë situata kritike pa bërë më përpara një përpjekje
njohëse, por edhe emotive, analize dhe projektimi korrekt të ndryshimit.

Nga
sa thuhet, mund të deduktohet një rregull i parë që rezulton shumë i
dobishëm për t'u bërë ballë vështirësive që po jetojmë. Nga kriza ose më
mirë nga aspektet negative të saj dilet vetëm me një projekt, një exit
strategy. Mbi bazën e këtij refleksioni të fundit, do të ishte e
dobishme që të pyetej nëse politika italiane disponon apo jo instrumenta
kulturore, të vizionit dhe të aftësisë për të stimuluar zgjidhje për
një bast të madh si ky.

Do të doja të nënvizoja se universiteti
ka dhe duhet të ketë një rol të rëndësishëm në zgjidhjen e problemeve,
pasi kjo përbën një pjesë të misionit të tij. Me fjalë të tjera,
universiteti i sotëm duhet të kontribuojë në diskutimin publik të një
projekti daljeje nga kriza. Kështu, nuk është oportune vetëm që të
tërhiqesh në zellin dhe në artizanatin e didaktikës apo të kërkimit...

Përgatiti: ARMIN TIRANA