Rriten çmimet në vendet e eurozonës

Çmimet me pakicë në 16 vendet e eurozonës janë ngritur gjatë
muajit dhjetor të vitit të kaluar në shkallën më të lartë në dy vjetët e
fundit dhe inflacioni tash sillet mbi limitin e Bankës Qendrore
Evropiane. Të dhënat e publikuara të martën tregojnë se
çmimet janë më të larta për 2.2 për qind krahasuar me dhjetorin e vitit
2009, që është ngritja më e lartë qe nga tetori i vitit 2008.
Objektiv i Bankës Qendrore Evropiane është mbajtja e inflacionit rreth dy për qind.
Raporti do të ngrisë shqetësimet se presioni i inflacionit po
forcohet në kohën kur shumë vende të eurozonës janë duke zbatuar një
program të ashpër të kursimit. Që nga 1 janari eurozona është bërë me17
vende anëtare pas anëtarësimit të Estonisë.