KE, Malmstrom: Shqipëria përmbushi kushtet për liberalizimin e vizave

BRUKSEL—Lajmifundit—Sërish mesazhe pozitive për liberalizimin e vizave. Cecilia Malmstrom deklaroi sot se “Komisioni Evropian mendon se Shqipëria ka përmbushur kushtet për liberalizimin e vizave”. Sipas saj tanimë duhet të pritet vendimi që do të japë Parlamenti Evropian dhe Këshilli i Ministrave. Malmstrom nuk mohoi faktin se disa prej vendeve të Bashkimit Evropian ende nuk kanë dalë me një qëndrim të qartë në lidhje me vendimmarrjen por diçka e tillë sipas saj do të sqarohet në javët e ardhshme kur propozimi të paraqitet në Parlamentin Evropian dhe më pas të kalojë për shqyrtim nga ministrat e brendshëm të vendeve të BE-së.