LSI: Qëndrimi i Gramoz Rucit, sinjal pozitiv. PS të integrohet dhe të kontribuojë realisht

Tiranë, 18 shtator, NOA Lëvizja Socialiste për
Integrim i ka quajtur sinjale pozitive në të mirë të zgjidhjes së krizës
politike në vend deklaratat e sekretarit të Përgjithshëm të Partisë Socialiste,
Gramoz Ruçi, i cili deklaroi dje se opozita do ti drejtohet Komisionit të Venecias lidhur me transparencën e fletëve të votimit në kutitë e
zgjedhjeve të përgjithshme të 28 qershorit.

Sekretari i Përgjithshëm i LSI-së, Luan Rama
deklaroi sot për mediat se e konsiderojmë edhe qëndrimin më të fundit të
Partisë Socialiste të artikuluar nga Sekretari i Përgjithshëm i saj, Ruçi, një
shenjë pozitive të vullnetit të mirë për të vepruar në mënyrë institucionale,
për të vepruar në përputhje me kushtetutën dhe për të pritur verdiktin apo
vendimin, që japin këto institucione, në lidhje me pretendimet e shfaqura prej
kohësh dhe për shkak të të cilave PS ka qëndruar deri tani jashtë institucioneve
përgjithësisht dhe jashtë proceseve evropianizuese të vendit.

Sipas sekretarit Rama, vendimi më i mirë do të
ishte që PS ti ishte drejtuar më herët Komisionit të Venecias dhe Gjykatës Kushtetuese.

Do të ishte mirë, që PS këtë gjë ta kishte
bërë shumë më herët, që ne të mos ishim sot, mbas tetë muajsh, në këtë realitet,
tha zoti Rama, duke nënvizuar më tej se gjithsesi, jo vetëm sepse është një
shprehje e njohur më mirë vonë se kurrë, por asnjëherë nuk është vonë për të
bërë apo për të hedhur hapat e duhur e pozitivë, kur është fjala për ti
shërbyer vendit, dhe për të tejkaluar pozicionet, që nuk janë në funksion të
interesave të vendit, tek një pozicion që na bën të gjithëve të jemi të
angazhuar, dhe që është pozicioni që ka të bëjë me integrimin evropian të
Shqipërisë.

I pyetur lidhur me djegien e fletëve të
votimit, zoti Rama tha se Ka një vullnet të shprehur, ndoshta më një farë
mënyrë pak në nonsens me atë çka ofron ligji, siç është dhe vullneti i shprehur
nga mazhoranca përmes kryeministrit për të gjetur çdo mundësi, që të ruajë çdo
dokument, që lidhet me pretendimet e  PS-së. Prandaj  thashë që rruga
drejt komisionit të Venecias, është një rrugë e  ofruar prej kohësh nga
mazhoranca, theksoi sekretari i LSI-së, Rama.

Rama tha se në këtë kontekst për aq kohë sa
hapi i opozitës pritet të realizohet, nuk ka asnjë pretekst, që të mund ta
pengojë jo vetëm fillimin nga puna të komisionit hetimor parlamentar, por edhe
në ato çështje që është rënë dakord që të hetohet paraprakisht, derisa të vijë
vendimi apo qëndrimi Komisionit të Venecias.

Nuk kemi asgjë kundër për të gjitha pretendimet,
për të cilat është rënë dakord dhe natyrisht nuk jemi kundër nëse Komisioni
 i Venecias shprehet pro çdo pjese që ka artikuluar PS-ja, shtoi Rama.

Por, sipas tij, është e pakuptimtë të presësh
që të shprehet apo të japë verdiktin një institucion siç është Komisioni i
Venecias nga njëra anë, dhe nga ana tjetër të paralajmërosh protesta.

Në këtë kontekst Lëvizja Socialiste për
Integrim vijoi apelin e saj të vazhdueshëm për domosdoshmërinë e reformës
zgjedhore dhe për domosdoshmërinë e përfshirjes apo integrimit edhe të PS-së në
këto reforma, me qëllim që të gjitha forcat politike të shkojnë bashkë drejt
përmbushjes së detyrimeve që Shqipëria ka për tiu bashkuar vlerave në familjen
evropiane.

Koha nuk pret, për të qenë më i
drejtpërdrejtë, afatet kushtetuese, shpallja e zgjedhjeve dhe detyrimi për të
përmbushur apo për të plotësuar ndryshime në përputhje me kushtetutën, e bëjnë
të domosdoshëm angazhimin konkret, u shpreh sekretari i Përgjithshëm i LSI-së.

Ai ftoi në emër të LSI-së, Partinë Socialiste,
dhe të gjitha forcat parlamentare që të tregojnë vullnetin e tyre në realizimin
e reformës zgjedhore, si një vullnet politik në shërbim të integrimit të
vendit.