Mësuesit: Po edukojmë "brezin e kafeneve"

Në gjimnazet e Tiranës, një orë mësimi mes adoleshentëve të çiltër, por dhe tekanjozë

Të
bësh mungesa "teke" orën e parë të mësimit se nuk të doli gjumi, të
kesh një shok që në takim me prindër sjell një të panjohur në rolin e
babait, apo të vishesh hollë vetëm për të qenë në modë, do të thotë që
përmbush disa nga kriteret për të qenë gjimnazist. "Formula" e të qenit
i shpërqendruar, konfuz dhe në krizë, edhe për të qenë në qendër të
vëmendjes këto vitet e fundit, është bërë më e sofistikuar për
adoleshentët. Ndoshta është kjo mënyrë e tyre e të sjellit dhe të
jetuarit që i bën mësuesit e gjimnazit të mos plaken kurrë, të jetojnë
me brishtësinë e tyre, edhe pse shpesh herë lodhen duke u mbushur
mendjen nxënësve se 1+1 bëjnë 2 dhe jo 3. Jemi në gjimnazin "Andon Zako
Çajupi", në një orë mësimi.Flitet për kujtesën. Në klasë pothuajse të
gjithë nxënësit janë të veshur thjesht, me ato përpjekjet për të qenë
pak më ndryshe se të tjerët, por me të njëjtën çehre fytyre. "Kujtimi i
parë që secili prej nesh ruan në kujtesë gjatë vogëlisë ka lidhje me
mënyrën e psikologjisë së fëmijës në të ardhme dhe mënyrën sesi ai do të
sillet
në situata të ngjashme", sqaron mësuesja. Secili tregon për kujtimin e
tij të parë. Ndoshta janë këto pyetje- përgjigje ndryshe nga formulat
dhe jetëshkrimi i autorëve më të njohur, që ua mban mendjen në orën e
mësimit dhe jo gjetkë. "Të gjithë brezat janë njëlloj, adoleshentët
janë njëlloj. Por ky brez, ndryshe nga të mëparshmit, ka zgjedhur që
pjesën më të madhe të kohës ta kalojë në kafe", thotë mësuesja e
biologjisë, Inajete Kasimati. Sipas saj, kafet, ndonjë pije më shumë në
raste festash, apo dembelizmi i tyre për të organizuar më bukur kohën e
lirë, janë karakteristikë e kësaj moshe. Po ashtu edhe numri i
konsumatorëve të duhanit mes adoleshentëve nuk ka tregues drejt uljes,
por drejt ngjitjes. "Për kafet s‘e kemi vetëm ne fajin, por edhe numri
i lartë i lokaleve që janë përreth gjimnazeve dhe ngarkesa që kemi.
Orën e parë kishim provim, të dytën përsëri provim, orën e tretë
përsëritje, orën e katërt e kishim pushim, shkuam në kafe", thotë
Rezarti, zv/president i senatit. Ai thotë se nuk ndodh që në klasë të
ketë nxënës që vijnë të dehur, por në raste festash, ashtu siç klasa ka
futbollistë, duhanxhinj, ka tek tuk edhe pijedashës.Problemet,
dëshirat, rregullat.Ndërsa më parë në gjimnaze ndodhnin rëndom sherre
apo debate deri në diskutime të nxehta, të gjitha këto tashmë kanë
mbetur pas. Adoleshentët mes tyre nuk kanë më të tilla shqetësime,por
vetëm një dëshirë për t‘ia kaluar shokut, duke rënë më shumë në sy.
Atyre ju pëlqen të vishen bukur, ju pëlqen të kenë celularë, apo
aksesorë të tjerë, që kanë bashkëmoshatarët e tyre në vendet e
zhvilluara. Atyre ju pëlqen të imitojnë idhujt, të shkojnë në festa, të
bëjnë aktivitete jashtë shkolle, ndonjëherë ta teprojnë pak edhe me
lartësinë e takave. "Nëse organizojmë një aktivitet, njoftimet për
prindërit bëhen me letër. Shumica i lejojnë fëmijët, por ka edhe
familje patriarkale që nuk japin leje", thotë një maturant. Ai merret
me të gjithë rrjetin e kompjuterëve në shkollë.Këtë vit dëshiron të
konkurrojë për informatikë. Ai vjet ka qenë president i shkollës dhe i
di mirë problemet e nxënësve, me prindërit, mësuesit. "Tashmë nuk është
më problem veshja në shkollë. Shumica e nxënësve respektojnë etikën në
shkollë, por mund të qëllojë që të abuzohet edhe me lartësinë e
takave", thotë Olsi. Ai tregon se nëse rastis që kjo nxënëse të ngrihet
në mësim dhe takat e saj të kërcasin, atëherë nuk i mbetet gjë tjetër
veçse të dalë jashtë. Pak më të lirshme janë gjimnazistet në gjimnazet
e qendrës, shkolla që kanë pasur elementë të cilët bënin modë. Në çdo
shkollë të mesme, problemet me veshjen tashmë janë sistemuar, por si në
gjimnazin "Eqrem Çabej", si te "Sami Frashëri", "Qemal Stafa", "Petro
Nini" apo "Besnik Sykja", ka nga ata adoleshentë të cilët klonojnë
modën e televizioneve dhe e çojnë edhe në shkollë. Zakonisht këta janë
nxënës dhe nxënëse që adhurojnë Paris Hilton apo Justin Timberlake,
persona të rëndësishëm që mbushin faqet e revistave apo mbretërit e TV
dhe diskotekave. Janë këto nxënëset të cilat kanë importuar traditën e
vajzave më të adhuruara apo të djemve më të kërkuar.Lidhjet dashurore,
aktivitet Edhe mund të ndodhë të shikosh përqafe, për krahu, apo mes
një puthjeje të zjarrtë nxënësit e shkollave. Kjo traditë është e
lashtë në gjimnaze, ashtu siç është edhe shkrimi i formulave të
shkencave natyrore në banka, për t‘i mbuluar me dorë e për t‘i kopjuar
më pas në orën e provimit. Por, nëse të sheh ndonjë i rritur, e ke
punën pisk. "Nëse kjo ndodh në vitin e parë ose të dytë, atëherë je i
diskriminuar, sepse në çdo orë mësimi do të jesh në qendër të vëmendjes
së batutave të mësuesve, dhe ata nuk të shohin me sy të mirë. Por nëse
ndodh kjo në maturë, ata e lirojnë pak më shumë. Por kjo s‘do të thotë
që ke shpëtuar nga shpotitë e tyre", thotë Olsi. Kështu ka qenë
gjithmonë gjimnazi: probleme me mungesat, një mësuese që të tregon se
kohën që i ke kushtuar vetullave mund të zgjidhje një ekuacion të
gradës së dytë, apo dhe një javë dënim me mosdalje nga shtëpia sa herë
ka takim me prindër.Por edhe festa, aktivitete, konkurse mes shkollash,
tualet me krem pudër, edhe pse lëkurën mund ta kesh shumë të pastër,
vetëm për të qenë pjesë e rrymëëës dhe për t‘u pranuar mes gjirit të
moshatarëve, të cilët nuk kanë punë tjetër vetëm të ndahen në grupe e
të bëjnë rivalitet për të treguar se kush është më i suksesshmi; bankat
ku ke bërë kopjet, shokët që ke ndarë hallet e mungesave, apo
indiferentizmi me të cilin të ka bashkuar mosha.

Bordurat e muhabetit

Edhe
pse janë vetëm blloqe çimentosh, pllaka apo shkallë, janë shumë të
ëmbla.Bordurat e gjimnazeve, para, në cep apo prapa shkollës, janë nga
vendet më të preferuara kur bën ftohtë, vapë, kur mëson para provimit,
kur sqaron të gjitha bisedat me shokët, ku takon miqtë që të vijnë nga
jashtë. Bordurat ku ulen nxënësit e gjimnazeve janë vendi më i
preferuar jo vetëm për të ngrënë bukë, por edhe për të qeshur e për të
komentuar mësuesit, që vijnë e ikin, nxënësit e klasave të tjera.
Bordurat, shkallët apo cepat e mureve, janë edhe ekonomike. Aty mund të
kalosh kohën pa shpenzime edhe kur nuk të ka mbetur më asnjë lek në
xhep. Bordurat janë ndonjëherë edhe vendet ku mund të rrish vetëm, ku
mund të fshihesh për të pirë shpejt e shpejt një cigare, ku mund
të qash se ke marrë një notë të keqe. Shkallët e ftohta të shkollës, ku mblidhen çdo ditë nxënësit janë edhe vendi më i sigurt.

Alkooli dhe duhani

I
pari që deklaroi se brezi i adoleshentëve të sotëm është pak më shumë
pijetar apo pijedashës se të tjerët, ishte Instituti i Shëndetit
Publik.Sipas ISHP-së, një numër i konsiderueshëm adoleshentësh është i
prirur të konsumojë pije alkoolike më shumë se moshatarët e tyre para
disa vitesh. E mira është që nuk vijnë në gjendje të dehur në klasë,
apo nuk abuzojnë me rregullat e shkollës. Negativja këtu mbetet fakti
se gjimnazistët parapëlqejnë të festojnë, të vishen, të pijnë dhe të
shpenzojnë me pagesat e prindërve. Edhe pse mundësitë që u ofrohen
atyre
për punësim lënë për të dëshiruar, vetëm një pjesë e vogël e tyre kanë
dëshirë të punojnë në muajt e verës, për të krijuar kursime personale.
Po ashtu, një pjesë prej tyre kërkojnë të dobësohen, por kilet e
tepërta preferojnë t‘i heqin me dieta dhe jo me sport. Pjesa më e bukur
e ditës mbeten orët në kafe, edhe pse mund të pijnë çaj, qumësht, apo
ndonjëherë edhe ndonjë dopio.

G.Shqip

Po normale ajo se ka ardhur brez i ri dhe ku shtyhet shkolla pa kafe mo,apo durohen ato 6 ore te plota duke i degjuar aman re aman...

ah rinia rinia nuk duron dot tani jane bere te pa duruar

Pse ti i duron gjashte ore mesim Diana..????? Ose me sakte i duroje se s'ma han mendja ti duroje..

ok ok nxenesit jane si jane e dine te gjithe , disa te mire e disa me pak te mire
por ju lutem kjo klase mesuesish ( kerkoj ndjese per disa mesues te nderuar qe meritojne respekt)jane per tu hedhur ne llum pa pike edukate , miresjellje , flirtues me nxenesit , jo frymezues , te shkaterrojne nervat .
po e sjell ketu si shembull ndoshta nuk eshte vendi i duhur.
mesuesja e ekonomise se vitit te trete i kerkon klases te bejen nej projekt ne Power point dhe me video per disa tema ne ekonomi , klasa u nda ne grupe , dhe grupi i motres time mori Si teme studimin e tregut ne qytetin tone ( cmimet , mallrat cilesia vendi etj) kunder cdo parashikimi edhe 2 djem te grupit qe nuk ishin te dalluar ( madje ishin ne kategorine e nxenesve qe nuk aplikoheshin shume ) marrin pjese aktive , puna e tyre zgjati dy jave java e pare teoria ( grafike shifra ) java e dyte praktika intervistat ne terren , teste dhe e gjitha e marre me video . te them te drejten kur pashe punen e tyre u mahnita , ishte shume e denje dhe fakti qe kishin kontribuar te gjithe ishte mrekulli
Vleresimi :
Nuk me pelqen , ku i keni marre kto intervista , pastaj nuk po dilnit ne tv qe perdridheshit para kameres pason nje ahhahahahahahahahahahahahaah
po ju ve nga nje 6 vetem se keni bere ato grafike dhe e keni hedhur punen ne power point
(* tani nuk eshte se me kujtohen krejt fjalet qe me tregoi motra por mora ato qe me vrane veshin )
I gjithi ky vleresim i bere nga fundi i klases mesuesja e dashur e ulur siper bankes se fundit
motra tha nuk lodhem me kaq shume , dy shoket e saj as qe e vune me ujin ne zjarr
e asaj ti thuash mesuese ?ncncncncnnccn
brezi i kafeneve .une vete e kam shtyre pa kafe por tu them te drejten nje mbremje ne universitet pas nje dite katastrofe kam pire nje kafe te shkurt e mu duk sikur rilinda tani qe e teprojne pak adoleshentet e teprojne ( ndoshta edhe shume ndo 1 here ) mmmmmmmmmmmmmmmmmmjetojme ne nje mjedis pak si te cmendur dhe te gjithe po ndikohemi shume nga kjo e te rinjte tane pak me shume