Ballkani | 01.08.2010

Ballkani | 01.08.2010



Publikuar më Ballkani | 01.08.2010


Mendimi i Gjykatës Ndërkombëtare të Drejtësisë konfirmoi se
shpallja e pavarësisë së Kosovës nuk paraqet precedent për asnjë rast
tjetër në botë.
Përgjigje e ngushtë nga GJND për pyetjen e parashtruar ngushtë nga
Serbia, - mendon ish përfaqësuesi i Kombeve të Bashkuara për veriun e
Kosovës, Gerard Galucci. Sipas tij Kosova megjithatë përbën rast
precedent dhe për të shmangur probleme të ngjashme si në Bosnjë
Hercegovinë, sjell këtë formulë:
Veriu mund të mbetet pjesë e Kosovës legalisht dhe formalisht nën
Rezolutën e OKB-së. Por, do mund të funksiononte si pjesë e qeverisjes
lokale të Serbisë. Kjo në fakt është situata aktuale. Prandaj është me
rëndësi që të përcaktohen disa detaje teknike të bashkëpunimit në
terren, siç janë: bashkëpunimi për legalizimin e telefonisë, sistemit
elektrik, çështjen e kufijve....
Sipas Gerard Galuccit, nëse provohet që me përdorimin e forcës të
ndryshohet veriu "do të ketë dhunë, përsëritje lufte, dëbim serbësh nga
veriu ose mbajtje e asaj zone të ndarë".
Konflikti i ngrirë është rezultat jo i mirë. Por, është më i miri
nga mundësitë reale, që janë: zgjidhja e negociuar, konflikti i ngrirë,
lufta e dhuna dhe ndarja apo spastrimi etnik, mendon Galucci.
ICO dhe qeveria të përkushtuar në zbatimin e strategjisë për integrimin e veriut të Kosovës
Faktin që Gjykata Ndërkombëtare e Drejtësisë vendosi që Deklarata e
Pavarësisë së Kosovës nuk e kishte shkelur të drejtën ndërkombëtare,
qytetarët duhet ta kenë parasysh, thotë për Deutsche Wellen Andy
McGuffie, shef i informimit në Zyrën Civile Ndërkombëtare, në
Prishtinë:
Bildunterschrift: Großansicht des Bildes mit der Bildunterschrift:
Andy McGuffie, drejtor i departamentit të informacionit në Zyrën Civile
Ndërkombëtare, në Prishtinë.
Qeveria e Kosovës dhe Zyra Civile Ndërkombëtare janë të fokusuara
për krijimin e një progresi të qendrueshëm dhe shërbimet e Republikës
së Kosovës të vihen në dispozicion të të gjithë qytetarëve. Ekipi
përgatitor komunal për komunën e re të Mitrovicës së Veriut po punon
prej disa muajsh, Zyra për Shërbime Civile është hapur dhe është në
shërbim të të gjitha kombësive. Dhe, unë nuk jam i sigurt që serbët e
veriut nuk e kanë pranuar realitetin e ri dhe këtu duhet pasur kujdes.
Siç e dini, përfshirja e Beogradit në çështje të caktuara specifike,
ishte e paraparë me planin e Ahtisaarit. Mendoj se Qeveria e Kosovës
dhe ICO-ja janë të gatshme të marrin në konsideratë çfarëdo
përfshirjeje konstruktive nga Beogradi, por jo në kurriz të qeverisjes
së mirë të Republikës së Kosovës- thotë McGuffie.
Sipas tij Zyra Civile Ndërkombtare dhe qeveria e Kosovës janë të
përkushtuara në implementimin e stragjegjisë për integrimin e Veriut të
Kosovës. Ndërsa sipas ministrit të Punëve të Brendshme të Kosovës,
Bajram Rexhepi, opinioni i GJND-së ka ndryshuar shumë gjëra.
Bildunterschrift: Großansicht des Bildes mit der Bildunterschrift: Bajram Rexhepi, ministër i Punëve të Brendshme të Kosovës.
Pas këtij opinioni, definitivisht dihet se Kosova ka edhe bazë
juridike legale, pavarësisht tendencave të Serbisë...Kjo ka ndihmuar
edhe në vetdijësimin e qytetarëve serbë në veri, të cilët deri tash
kanë jetuar në një lloj konfuzioni ose iluzioni dhe tash është koha që
t´i kthehen vetvetes, t´i kthehen realitetit dhe të jenë pjesë e
proceseve dhe institucioneve demokratike. Ne do të jemi të kujdesshëm
dhe do të bëjmë sqarimet e duhura. Sepse, tash është koha që nga
EULEX-i dhe institucionet e Kosovës gradualisht të vendoset rendi dhe
ligji në gjithë Kosovën, dhe nuk ka arsyetime tjera. Në këtë na obligon
Kushtetuta e Kosovës dhe ligjet e saj. Ndërsa, opinioni i GJND-së
ndihmon që kjo të bëhet pak më lehtë, - thotë për Deutsche Welle-n,
ministri Rexhepi.
Opinioni i GJND-së largon rrezikun për ndarje të Kosovës
Republika e Serbisë ende beson se mund të kthejë krahinën e
shkëputur njëanshëm dy vjet më parë apo një pjesë të saj. Prishtina
zyrtare thotë se në bazë të planit të Marti Ahtisaarit, veriu i Kosovës
nuk mund të ketë një shkallë të re autonomie. Përderisa, opinioni i
GJND-së në favor të pavarësisë së Kosovës, përfundimisht shuan çdo
synim për çfarëdo ideje për ndarje të Kosovës, thotë ministri Rexhepi.
Ndërsa Andy McGuffie, zëdhënës i të dërguarit Special të Bashkimit
Evropian, Piter Faith, rikonfirnoi se: Zyra Civile Ndërkombëtare dhe
Grupi Drejtues Ndërkombëtar gjithmonë kanë qenë shumë të qartë lidhur
me zotimin e tyre ndaj integritetit territorial të Kosovës.


Autor: Ajete Beqiraj
Redaktoi: Eliana Xhani